6 ліпеня ў Сяляўшчынскай сельскай бібліятэцы да Свята Купалля была праведзена гульнявая праграма “У пошуку папараць-кветкі”. Бібліятэкар распавяла дзецям аб тым, што ў разгар лета, у Беларусі адзначаюць Купалле – адно з найстарадаўнейшых народных свят, пазнаёміла дзяцей з традыцыямі яго святкавання. У бібліятэцы дзеці плялі вянкі з кветак, вадзілі карагод пад спевы купальскіх песен у выкананні вакальнай групы “Спадчына” і весела гулялі ў народныя купальскія гульні: “Самы прыгучы”, “Лекавыя травы”, “Вянок” і “Бабуля Агата”.