З 5 па 9 ліпеня ў Сяляўшчынскай бібліятэцы была арганізавана акцыя “Купалаўскі радок”, прымеркаваная да 140-годдзя з дня нараджэння Янкі Купалы. У   бібліятэцы была аформлена кніжная выстава “Беларусь з Купалам назаўжды” з неўміручымі творамі класіка беларускай літаратуры. Наведвальнікам бібліятэкі было прапанавана ўспомніць радок з твораў Янкі Купалы, узяць з паліцы кнігу з яго творамі і прачытаць услых свой любімы твор. Прыемна, што да акцыі далучыліся прыхільнікі беларускага паэтычнага слова самых розных узростаў.