З 1 па 10 лістапада ў Сяляўшчынскай сельскай бібліятэцы ўвазе чытачоў была прадстаўлена выстава работ Аляксеенка Валянціны Аляксандраўны. Работы майстрыхі – гэта ручнікі, вышытыя гладдзю і крыжыкам, якія ўпрыгожваюць звязаныя кручком карункі. Вышываць яна навучылася яшчэ ў маленстве, але толькі выйшаўшы на пенсію з'явілася больш часу для свайго захаплення.
На выставе таксама была размешчана і літаратура, дзе можна было пазнаёміцца з гісторыяй народнай вышыўкі, з яе значэннем, з схемамі і ўзорамі.
