27 студзеня для навучэнцаў першага класа ДУА “Клясціцкая дзіцячы сад – сярэдняя школа імя А. Хамчаноўскага Расонскага раёна” было праведзена гульнявое  асарці “Падарожжа ў свет дзівосаў”, прысвечанае 70-годдзю з дня нараджэння беларускага пісьменніка М.П. Пазнякова.

Мерапрыемства прайшло весела і займальна. Бібліятэкар пазнаёміла вучняў з біяграфіяй пісьменніка, з яго творамі ў фондзе бібліятэкі. Дзеці слухалі вершы, і адказвалі на пытанні па іх зместу,  разгадвалі загадкі.  Гулялі ў гульню “Перакладчык”, якая прайшла ў выглядзе эстафеты,  дзеці знаходзілі лічбы ў словах, складалі з літар словы,  смяяліся над небыліцамі.

Да юбілею пісьменніка ў чытальнай зале была прадстаўлена кніжная выстава твораў М.П. Пазнякова “Падарожжа ў свет дзівосаў”. Пасля такіх мерапрыемстваў цікавасць да кніг ўзрастае, і дзеці с задавальненнем абралі сабе з выставы пачытаць кнігі ўпадабанага пісьменніка.