28 студзеня да 70-годдзя  Міхаіла Паўлавіча Пазднякова ў дзіцячай бібліятэцы былі праведены гулкія чытанні дзіцячых твораў пісьменніка. Бібліятэкары распавялі дзецям біяграфію пісьменніка, які унёс значны ўклад у развіццё беларускай літаратуры.

Яго вершы, прысвечаныя роднай зямлі, цудоўным людям, сімвалам Беларусі,  выконваюць вялікую  пазнавальную і выхаваўчую ролю, абуджаюць патрыятычныя пачуцці, праслаўляюць дабро і дружбу.  За простымі,  але цёплымі і шчырымі  радкамі адчуваецца  талент сапраўднага мастака слова, патрыёта сваёй краіны. Дзеці чыталі займальныя загадкі ў кнізе “Дзіўныя “блізняты”, вершы, смяшынкі, лічылкі і небыліцы ў кнізе “Ехаў поўны воз дзівос”, вершаваныя загадкі-задачкі, шарады ў кнізе “Падарожжа ў краіну загадак”.

З нагоды гэтай даты ў чытальнай зале дзіцячай бібліятэкі была аформлена кніжная паліца “Міхась Пазднякоў. Вершы і казкі для дзяцей”.