У Сяляўшчынскай сельскай бібліятэцы з 20 ліпеня да 15 жніўня будзе працаваць кніжна-прадметная выстава "Вышыванка – вянок прыгажосці", на якой прадстаўлены работы Сергіенка Надзеі Мікалаеўны. Гэта ручнікі з народным беларускім арнаментам і жаночы беларускі касцюм, упрыгожаны ручной вышыўкай. Надзея Мікалаеўна чалавек творчы, шмат чытае, вышывае і выступае ў вакальнай групе "Спадчына" Сяляўшчынскага СДК.

 У дадатак да выставы бібліятэкар падабрала літаратуру якая будзе карысная і цікавая ўсім, хто цікавіцца вышыўкай і гісторыяй нацыянальнай культуры Беларусі. Выстава карыстаецца папулярнасцю ў аднавяскоўцаў, а ўсе жадаючыя могуць сфатаграфавацца на памяць з прыгожымі працамі майстрыхі.