19 лютага напярэдадні Мiжнароднага дня роднай мовы, бібліятэкар Заборскай сельскай бiблiятэкі запрасiла сваiх чытачоў на літаратурную сустрэчу “Жывая спадчына”. На пачатку мерапрыемства была прапанавана невялікая размінка – госці паўдзельнічалі ў музычнай беларускамоўнай фізкультхвілінке.  

Далей ўдзельнікі разгадвалі беларускiя загадкi, а ў спаборнiцтве “Перакладчыкі” пераводзілі з рускай мовы на беларускую словы. З вялікім задавальненнем яны ўдзельнічалі ў гульне на беларускай мове “Памяняйцеся месцамі тыя, хто…” і ў заданні “Прыдумайце вызначэнне да слова”. У якасці твора для гулкага чытання была абрана казка Генадзя Аўласенкі – “Як Мышка з Жабкай паміж сабой ваявалі”. Госці с задавальненнем праслухалі казку, а ў творчай частцы сустрэчы зляпілі яе герояў з пластыліну і разыгралі па ролях.