20 лютага да Міжнароднага дня роднай мовы ў Дварышчанскай сельскай бібліятэцы была праведзена літаратурная гульня-віктарына “Знаўцы роднай мовы”. Бібліятэкар распавяла прысутным, што ў календары ёсць такое свята – Міжнародны дзень роднай мовы, які адзначаецца штогод 21 лютага.
Дзеці даведаліся, што наша беларуская мова – сакавітая, меладычная і пяшчотная, што яе трэба вывучаць і захоўваць. На мерапрыемстве яны з задавальненнем чыталі вершы на беларускай мове, ўспаміналі беларускія прыказкі і прымаўкі, адгадвалі разнастайныя загадакі, пераводзілі словы і выразы з рускай на беларускую мову. Адказваючы на пытанні віктарыны “Родная мова”, праявілі свае веды па беларускай мове і культуры нашага народа. Для таго, каб больш даведацца пра родную мову, творы беларускіх аўтараў, ўваге прысутных была прапанавана кніжная выстава “Не проста ў словы я гуляю-на роднай мове я чытаю!”.
