20 красавіка ў Сяляўшчынскай сельскай бібліятэцы для вучняў пачатковых класаў Сяляўшчынскай дзіцячы сад-базавай школы да Міжнароднага дня помнікаў і гістарычных мясцін быў праведзены вусны часопіс “Муры старыжытных замкаў”. Першая старонка часопіса – Беларусь – краіна замкаў. Бібліятэкар распавяла вучням, пра першыя замкі на Беларусі, якія былі пабудаваны ў часы Полацкага княства ў Полацку, Брэсце, Гродне, Мінску, Слуцку, Магілёве i іншых месцах.
Яны былі драўляныя i як правіла, размяшчаліся на ўзвышшах у сутоках рэк, а з 16 стагоддзя пачалі будаваць магутныя дзяржаўныя i прыватна-ўласнiцкiя замкi – яны належалi багатым i знатным родам у Навагрудку, Мiры, Гродне, Быхаве, Ляxавiчаx, Нясвiжы. Другая старонка часопіса – Царква-крэпасць. На беларускіх землях рэдка здараліся спакойныя дзесяцігоддзі. Падчас шматлікіх войнаў і бітваў жыхары мястэчак і гарадоў ішлі ў храмы – бо там іх магла абараніць не толькі вера, але і магутныя сцены, гэта Царква Святога Міхаіла Архангела ў Сынкавічах Зэльвенскага раёна, касцёл Святога Іаана Хрысціцеля ў вёсцы Камаі Пастаўскага раёна, касцёл Святога Міхаіла Архангела ў вёске Гнезна Ваўкавыскага раёна і ншыя. Трэцяя старонка часопіса – Расоншчына хрысціанская. Бібліятэкар распавяла удзельнікам калі былі пабудаваны храмы: царква Ушэсця Гасподняга і касцёл Святога Язафата Кунцэвіча. На апошняй старонке часопіса, удзельнікі клуба адказвалі на пытанні віктарыны, дзе трэба было знайсці назвы беларускіх гарадоў, у склад якіх уваходзяць назвы жывёл і раслін.
Дапоўніла аповед бібліятэкара тэматычная выстава з ілюстраванымі выданнямі, якія змяшчаюць цікавыя і рэдкія факты аб гістарычных славутасцях нашай краіны і роднага краю, фотаздымкі помнікаў архітэктуры.
