11 мая ў Сяляўшчынскай сельскай бібліятэцы да Дня Дзяржаўнага герба і Дзяржаўнага сцяга Рэспублікі Беларусь для вучняў 4 класа Сяляўшчынскай дзіцячы сад-базавай школы была праведзена патрыятычная гадзіна “Роднай краіны дзяржаўныя сімвалы”. Бібліятэкар распавяла вучням пра гісторыю ўзнікнення Дня Дзяржаўнага герба і Дзяржаўнага сцяга Рэспублікі Беларусь, пра адкрыццё плошчы Дзяржаўнага сцяга ў сталіцы нашай радзімы. Навучэнцаў уразіў памер сцяга (14 м на 7 м).

Дзеці адказалі на пытанні віктарыны “Знакі суверэнітэту дзяржавы”: што сімвалізуе кожны элемент герба, колькі колераў на сцягу, што яны абазначаюць, што сімвалізуе арнамент?. Затым вучні склалі спіс слоў-сімвалаў, якія дазваляюць беспамылкова разумець, што гаворка ідзе менавіта пра Беларусь: “зямля пад белымі крыламі”, сінявокая, белавежскі зубр, васілёк, слуцкія паясы, Францыск Скарына, Брэсцкая крэпасць-герой і Нацыянальняа бібліятэка Беларусі – “алмаз”. Такім чынам, дзеці зрабілі вывад, быць грамадзянінам Рэспублікі Беларусь, значыць трэба ведаць і паважаць сімволіку сваёй краіны, што беларускі герб і сцяг адлюстроўваюць важныя звесткі пра нашу краіну, пра яе гісторыю. Навучэнцы добра ведалі словы гімна і  праспявалі.

У завяршэнні мерапрыемства дзеці паглядзелі відзеапрэзентацыю “Геральдыка Рэспублікі Беларусь”.