6 верасня ў чытальнай зале раеннай бібліятэкі да Дня беларускага пісьменства адбыўся літаратурны круіз па творчасці беларускіх пісьменнікаў “Волаты беларускага пісьменства”. Вядучыя распавялі, што пачатак традыцыі святкавання Дня беларускага пісьменства пакладзены ў 1994 годзе ў горадзе Полацку ў адпаведнасці з Указам Прэзідэнта Рэспублікі Беларусь ад 26 сакавіка 1998 года № 157 «Аб дзяржаўных святах, святочных днях і памятных датах у Рэспубліцы Беларусь». У 2022 годзе Дзень беларускага пісьменства адбыўся 3-4 верасня ў г. Добрушы Гомельскай вобласці. Гэты дзень стаў нацыянальным святам беларусаў, якія з вялікай павагай ставяцца да роднага слова, нацыянальная культуры, асветы і літаратуры.
Пры дапамозе электроннай прэзентацыі прайшло знаёмства са славутымі беларускімі першадрукарамі і асветнікамі: Кірылам Тураўскім, Еўфрасінняй Полоцкай, Францішкам Скарынай, Сымонам Будным. Вельмі цікавым і пазнавальным адбылося знаёмства з жыццём і творчасцю беларускіх пісьменнікаў Максіма Багдановіча, Уладзіміра Караткевіча, Кандрата Крапівы, Міхася Лынькова, Івана Мележа, Івана Шамякіна, Андрэя Макаенка. У атмасферы добразычлівасці гучалі мілагучныя вершы беларускіх паэтаў і вершы на беларускай мове мясцовых паэтаў Аляксандра Матошкі і Надзеі Кожар.
Наведвальнікі мерапрыемства атрымалі магчымасць пазнаёміцца з падгатаванай ў чытальнай зале раённай бібліятэкі да Дня беларускага пісьменства тэматычнай выставай “Беларускае пісьменства – крыніца культуры і духоўнасці”.
