13 верасня ў чытальнай зале раеннай бібліятэкі прайшло чарговае пасяджэнне літаратурнага клуба “Винтаж”. Мерапрыемства было прысвечана 110-годдзю з дня нараджэння беларускага паэта і грамадскага дзеяча Максіма Танка. У суправаджэнні электроннай прэзентацыі “Вершы ў рытме сэрца”, адбылося літаратурнае знаёмства з творчымі і жыццёвымі этапамі станаўлення паэта. Паэзія Максіма Танка ўражвае разнастайнасцю тэм, вобразаў, форм, творчым засваеннем нацыянальнай паэтычнай традыцыі і наватарствам. Многія яго вершы пакладзеныя на музыку. Да пасяджэння клуба удзельнікі і госці знайшлі і падгатавалі вершы паэта, якія больш за ўсё кранулі іх сэрца.
Напрыканцы мерапрыемства удзельнікі мерапрыемства былі запрошаны да прагляду выставы, прысвечанай юбілею пісьменніка “Паэтычная спадчына Максіма Танка”, дзе былі прадстаўлены творы Максіма Танка, кнігі і матэрыялы аб яго жыцці і творчасці.
