15 верасня ў раённай бібліятэцы напярэдадні Дня народнага адзінства для навучэнцаў 10 класа Расонскай сярэдняй школы ім. П.М. Машэрава была праведзена краязнаўчая літаратурная замалеўка “Куточак зямлі, што радзімай завём”. Вядучыя распавялі вучням, што Дзень народнага адзінства – дзяржаўнае свята ў нашай краіне, якое будзе адзначацца штогод –17 верасня.

Менавіта ў гэты дзень, у 1939 годе адбылося ўз’яднанне Заходняй Беларусі і БССР. Адноўленае ў 1939 годзе адзінства беларусаў дало магчымасць нашай краіне выстаяць разам з брацкімі народамі ў гады Вялікай Айчыннай вайны.

З мэтай выхаванне павагі да роднай культуры і літаратуры, ў суправаджэнні электроннай прэзентацыі, вядучыя пазнаёмілі падлеткаў з твочасцю беларускіх пісьменнікаў і паэтаў, творчасцю таленавітых землякоў. Іх творы аб’ядноўвае тэма любові да Радзімы – мірнай, прыгожай, незалежнай.

У завяршэнні мерапрыемства вучні пазнаеміліся з літаратурай, экспанаванай на выставе “Беларусь у прасторы і часе”, якая раскрывае асаблівасці фарміравання і станаўлення беларускай дзяржавы, адлюстроўвае гісторыю развіцця беларускай дзяржаўнасці.