9 лістапада ў раённую бібліятэку на літаратурнае падарожжа да 140-годдзя з дня нараджэння Якуба Коласа “Свой талент шчодра аддаў Беларусі” завіталі вучні 8 класа Расонскай сярэдняй школы ім. П.М. Машэрава.

Вядучыя распавялі падлеткам, што 3 лістапада споўнілася 140 год з дня нараджэння класіка сусветнай і беларускай літаратуры, народнага паэта Беларусі Якуба Коласа. Шматграннасць яго таленту выявілася як у паэзіі, так і ў прозе, публіцыстыцы, ў дзіцячай літаратуры. Навучэнцы пазнаёміліся з жыццём і творчасцю песняра беларускага народа Якуба Коласа і праслухалі яго вершы. Творчасць вядомага класіка беларускай літаратуры не забыта, таксама, як і не забыты сам Якуб Колас, яго імя носяць школы, плошчы і вуліцы гарадоў і вёсак Беларусі.

У завяршэнні мерапрыемства увазе школьнікаў быў прадстаўлен відэафільм “Музей Якуба Коласа”, які расказвае пра мясціны, звязаныя з жыццёвым і творчым шляхам пісьменніка. Таксама вучням была прадстаўлена выстава літаратурных твораў знакамітага пісьменніка “Якуб Колас: пясняр зямлі беларускай”.