3 студзеня ў Гарбачэўскай сельскай бібліятэцы прайшло пасяджэнне дзіцячага краязнаўчага клуба “Вытокі” “Твая зямля, твая Радзіма – Беларусь!”. На мерапрыемства прыйшлі удельнікі клуба і дзеці адпачываючыя на зімовых канікулах. Бібліятэкар распавяла, што ў мэтах кансалідацыі беларускага народа, умацавання ў грамадстве ідэй міру і стваральнай працы як галоўных умоў развіцця беларускай дзяржавы Прэзідэнтам Рэспублікі Беларусь 2023 год аб’яўлены Годам міру і стварэння.
Бібліятэкар распавяла дзецям, што 15 студзеня Віцебшчына святкуе 85-гадовы юбілей і прапанавала здзейсніць віртуальнае падарожжа па вобласці, робячы прыпынкі ў кожным раённым цэнтры. Падчас мерапрыемства дзеці пазнаёміліся з сапраўднымі “жамчужынамі” беларускай прыроды, знакамітымі мясцінамі Беларусі, архітэктурнымі помнікамі. Затым адбылася віктарына на веданне гісторыі Беларусі, яе традыцый, фальклору. А завяршылася мерапрыемства паэтычнай хвілінай, дзе гучалі вершы паэтаў-землякоў.
