28 студзеня ў Сяляўшчынскай сельскай бібліятэцы да Міжнароднага дня памяці ахвяр Халакосту прайшоў урок памяці “Беларускія гета: месца смутку і памяці”. Бібліятэкар распавяла вучням 5 класа ДУА “Селяўшчынская дзіцячы сад-базавая школа Расонскага раёна”, аб тым, што другая сусветная вайна прынесла народам усяго свету незлічоныя бедствы і мора чалавечых пакут.

Дзеці дазналіся,  што азначае само слова халакост, хто такія арыйцы, што такое гета. Вучні уважліва слухалі пра Халакост у Беларусі, пра трагічны лёс вязьняў Мінскага гета, якое было адным з найбуйнейшых не толькі ў Беларусі, але і на ўсёй акупаванай фашыстамі тэрыторыі СССР. Распавяла бібліятэкар і гісторыю знішчэння Расонскага гета.

 На мерапрыемсве навучэнцы чыталі верш Навума Каржавіна “Дзеці ў Асвенцыме”, слухалі песню А. Разэнбаўма “Бабій Яр”. Суправаджэннем мерапрыемства стала выстава “Халакост. Беларускія гета: месца памяці і смутку”.