21 лютага ў Краснапольскую сельскую бібліятэку на гадзіну роднай мовы “Любіце і шануйце роднае слова!” прыйшлі навучэнцы 4 класа ДУА “Краснапольская дзіцячы сад-сярэдняя школа Расонскага раёна ім. С.І. Жукава”.

Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Вучні адправіліся ў цікавае падарожжа па цудоўнай беларускай мове. Дзеці паздяліліся на дзве каманды “Валошкі” і “Бусляняты” і з задавальненнем спаборнічалі ў заданнях на веданне беларускай мовы: “Перекладчыкі”, “Словаведы”, “Крылатая фраза”, у конкурсе “Жэсты і міміка” і “Бліц-турніры”. Яны слухалі і самі чыталі вершы беларускіх пісьменнікаў аб роднай мове, адгадвалі загадкі. Каманда “Валошкі” выйграла ў каманды “Бусляняты” з лікам 27:23 і атрымала салодкія прызы.

Бібліятэкар пазнаёміла навучэнцаў з падгатаванай да  Міжнароднага дня роднай мовы кніжнай выставай “Любіце і шануйце роднае слова!”. На выставе былі прадстаўлены лепшыя творы беларускай літатратуры: класікаў і сучасных аўтараў, вершы, байкі і загадкі.