21 лютага ў Сяляўшчынскай сельскай бібліятэцы да Міжнароднага дня роднай мовы прайшоў бібліякомпас “Родная мова”. У мерапрыемстве прынялі ўдзел вучні пачатковых класаў ДУА “Сяляўшчынскай базавай школы Расонскага раёна”. Бібліятэкар распавяла вучням, што ў календары ёсць такое свята – Міжнародны дзень роднай мовы, які адзначаецца штогод 21 лютага.

Падчас мерапрыемства дзеці з задавальненнем прынялі ўдзел у цікавых конкурсах, што падрыхтавала бібліятэкар: “Назаві адным словам”, “Складзі прыказку”, “Наадварот”, “Метаграммы”, “Пагуляем у рыфму”, “Выпраў памылкі”. Затым удзельнікі вызначалі “Найдаражэйшыя словы беларускай мовы” – мама, тата, “Галоўныя словы беларуская мовы” – мір, Радзіма, Айчына, “Ветлівыя словы беларуская мовы” – дзякуй, добрай раніцы.

На працягу мерапрыемства ўсе удзельнікі стараліся размаўляць на роднай мове, ужываць толькі беларускія словы.