25 лютага ў Сяляўшчынскай сельскай бібліятэцы ўдзельнікі дзіцячага краязнаўчага клуба “Нашчадкі” падрыхтавалі і правялі фальклорна-гульнявую праграму “Масленічныя забавы”. Удзельнікі мерапрыемства ў гульнявой форме пазнаёміліся з традыцыямі святкавання Масленіцы.
Яны “пералісталі” старонкі масленічнага календара, даведаліся, як называецца кожны дзень святочнага тыдня. Прадоўжылася свята на вуліцы ля бібліятэкі. Дзеці і госці мерапрыемства ўдзельнічалі ў карагоде, гулялі ў гульні: “Ой, блін!”, “Ручаёк”, “Бой мяшкамі”, “Бліны для цёшчы”, “Валёнак”. У канцы мерапрыемства ўдзельнікі атрымалі смачныя пачастункі – бліны і развіталіся з Масленіцай – спалілі пудзіла Зімы.
