21 сакавіка ў раённай бібліятэцы прайшоў вечар паэтычнага настрою “Наш родны край ў паэзіі”, прысвечаны Сусветнаму дню паэзіі.

Вядучыя павіншавалі гасцей са святам, галоўнай мэтай якога было падкрэсліць тое найвялікшае значэнне, якое мае літаратура ў культурным жыцці сучаснага грамадства, аб’яднаць паэтаў усяго свету і даць ім права і магчымасць заявіць пра сябе. У суправаджэнні відэапрэзентацыі, у якой дэманстраваліся найпрыгажэйшыя месцы роднага краю, прысутныя змаглі дакрануцца і да паэзіі аўтараў нашага раёна, даведаліся шмат цікавых фактаў з іх жыцця і літаратурнай дзейнасці. На мерапрыемстве гучалі вершы Я. Баршчэўскага, Г. Бураўкіна, Р. Прудоўскага, В. Галаўко і песні, напісаныя на вершы Г. Бураўкіна, Л. Нікіфаравай, К. Шавялёвай. Прысутныя на мерапрыемстве удзельнікі народнага клуба самадзейных паэтаў “Натхненне” А. Матошка, Н. Кожар, В. Заваротная, В. Храптова пазнаёмілі прысутных з любімымі вершамі, асноўная тэма якіх – гэта разважанні пра людзей і іх узаемаадносіны, гісторыю і прыроду роднага краю.

Да гэтай даты ў бібліятэцы была аформлена паэтычная выстава-мікс  “Стихи как музыка души”, на якой былі  прадстаўлены кнігі вершаў як знакамітых паэтаў так і зборнікі мясцовых паэтаў.