20 сакавіка ў  Сяляўшчынскай сельскай бібліятэцы ўдзельнікі дзічачага краязнаўчага клуба ”Нашчадкі“ правялі краязнаўчы флэшмоб “Саракі – абрадавае свята”. У пачатку мерапрыемства бібліятэкар пазнаёміла прысутных  з гісторыяй свята, якое адзначаецца 22 сакавіка, з матэрыяламі аб гэтым свяце сабранымі у кніге “Традыцыйная мастацкая культура беларусаў”.

Згодна з павер’ямі, сарока пачынае віць сабе гняздо і прыносіць для гэтага 40 пруцікаў. Але чакалі яшчэ сорак маразоў. Нібыта тады з выраю прылятае 40 жаваранкаў. Яшчэ ў гэты дзень успамінаюць сорак Севасцейскіх пакутнікаў. Даведаліся і пра прыродныя прыкметы, звязаныя з гэтым святам: на Саракі дзень з ноччу сустракаюцца, калі хто небудзь убачыць у гэты дзень вырай, які ляціць, то гэта, паводле народнага падання, – знак яго будучага поспеху і шчасця ва ўсім. Затым удзельнікі клуба зрабілі з паперы прыгожых жавароначкаў і павесілі на елку, каб напомніць жыхарам аг. Сяляўшчына пра надыходзячае свята.

У канцы мерапрыемства бібліятэкар пачаставала дзяцей печывам у выглядзе птушак, бо амаль паўсюдна на свята пяклі пячэнне ў форме розных птушак і частавалі адзін аднаго.