19 красавіка ў Клясціцкай сельскай бібліятэцы для дзяцей групы падоўжанага дня ДУА “Клястіцкая дзіцячы сад-сярэдняя школа ім. У.А. Хамчаноўскага Расонскага раёна” прайшла гісторыка-краязнаўчая гадзіна “Маўклівыя сведкі нашай гісторыі”. Пад час мерапрыемства навучэнцы даведаліся, што з мэтай папулярызацыі беражлівых адносін да гісторыка-культурнай спадчыны ў 1983 годзе Асамблея Міжнароднага савета па пытаннях аховы помнікаў і славутых месцаў, створаная пры ЮНЕСКА, устанавіла свята пад назвай Міжнародны дзень помнікаў і гістарычных месцаў. Упершыню дзень помнікаў і гістарычных мясцін адзначаўся 18 красавіка 1984 года.
Бібліятэкар распавяла, што наша краіна мае багатую гісторыю, якая пакінула нам унікальную гістарычную і культурную спадчыну. На сённяшні дзень у Дзяржаўны спіс гісторыка-культурных каштоўнасцяў Рэспублікі Беларусь ўключана 5 585 аб'ектаў: помнікаў архітэктуры, помнікаў гісторыі, помнікаў горадабудаўніцтва, помнікаў археалогіі, запаведных месцаў, помнікаў мастацтва и г.д. Багатая гістарычнымі месцамі і помнікамі і Расоншчына. Навучэнцы пазнаёміліся з самымі цікавымі славутасцямі і памятнымі месцамі раёна, даведаліся іх дзіўную гісторыю.
Скончылася мерапрыемства высновай – мы ў адказе за памяць пра мінулае. Наш абавязак – шанаваць сваю гісторыю і культуру, шанаваць мінулае і вывучаць яго.
