10 жніўня ў раённай бібліятэцы адбылася сустрэча з удзельнікамі навукова-асветніцкай экспедыцыі «Дарога да святыняў».

На працягу некалькіх дзён група энтузіястаў з лампадай, у якой гарыць Благадатны агонь ад Гроба Гасподняга, і Загор'е-Сталовіцкім абразом Пакрова Прасвятой Багародзіцы наведаюць гістарычныя месцы Беларусі. Сярод удзельнікаў экспедыцыі: святары, тэолагі, навукоўцы, дзеячы культуры.

Канчатковым пунктам «Дарогі да святыняў» у 2023 годзе стане Гарадок, дзе адбудзецца маштабнае святкаванне Дня беларускага пісьменства.

Аб пачатку існавання дадзенай экспедыцыі, яе знакамітых удзельніках, асаблівасцях праведзенай працы расказалі Шаладонаў Ігар Міхайлавіч – вядучы навуковы супрацоўнік Цэнтра   даследаванняў   беларускай   культуры,   мовы   і   літаратуры НАН Беларусі; Лабада Аляксандр Міхайлавіч – журналіст, фотамастак.

Паэт Вадзім Браніслававіч Спрынчан, член Саюза пісьменнікаў Беларусі,  шчыра прачытаў не толькі свае вершы, але і творы свайго знакамітага бацькі – Браніслава Пятровіча Спрынчана.

 Удзельнікі народнага клуба самадзейных паэтаў «Натхненне», якія прысутнічалі на сустрэчы, дадалі сваю вершаваную ноту.