16 кастрычніка ў Сяляўшчынскай сельскай бібліятэцы адбылося пасяджэнне краязнаўчага клуба па інтарэсах ”Нашчадкі“. Для членаў клуба была праведзена краязнаўчая гадзіна ”Народныя рамёствы роднага краю“.

Кіраўнік клуба пазнаёміла прысутных з беларускімі народнымі рамёствамі па кнізе Я. М. Сахута ”Народнае мастацтва“: беларуская вышыўка, вязанне, пляценне, мастацкая апрацоўка дрэва.

Далей дзеці ўспомнілі, якія народныя ўмельцы роднай вёскі праводзілі майстар-класы  ў бібліятэцы. Гэта былі: Надзея Чэркас, Любоў Лапкоўская, Вольга Грыбоўская. Кіраўнік клуба расказала і пра ўмельцаў роднай вёскі, чые работы выстаўляліся на выставах ў бібліятэцы: Валянціны Аляксеенкі, Надзеі Сергіенкі, Раісы Літвінавай. Удзельнікам было цікава разгледзіць і патрымаць у руках вырабы з дрэва, гліны, лазы, саломкі.

Ну, а на пры канцы удзельнікі пасяджэння паспрабавалі свае ўменні ў выразанні выцінанкі – яшчэ аднаго віду народнага мастацтва.