13 лютага ў раённай бібліятэцы да Міжнароднага дня роднай мовы прайшло літаратурнае асарці ”Роднай мовы гук чароўны“.

Прысутныя даведаліся пра гісторыю нашай роднай беларускай мовы, пра тое, як яна развівалася на працягу стагоддзяў, пра яе месца ў свеце. Госці мерапрыемства і ўдзельнікі літаратурнага клуба ”Винтаж“ расказалі пра любімыя творы сучасных беларускіх пісьменнікаў: Уладзіміра Караткевіча, Кандрата Крапівы, Міколы Аўруціна і іншых. Яны падзяліліся сваімі ўражаннямі ад прачытанага, коратка апісалі сюжэт і распавялі, чаму варта прачытаць той ці іншы твор.

Удзельнікі народнага клуба самадзейных паэтаў ”Натхненне“ падзяліліся сваімі вершамі, прысвечанымі беларускай мове і пісьменнікам.