20 лютага у бібліятэцы-клубе Кавалі да Міжнароднага дня роднай мовы прайшла гадзіна роднай мовы ”Ад зерня – колас, ад слова – мова“.

Бібліятэкар пазнаёміла ўдзельнікаў з гісторыяй беларускай мовы, з дзеячамі, якія стаялі ў вытокаў беларускага пісьменства. Усе паказалі свае веды ў перакладзе слоў з рускай на беларускую мову, выпрабавалі свае сілы ў скорагаворках, а таксама згадалі вядомыя беларускія літаратурныя творы і песні.

Напрыканцы мерапрыемства бібліятэкар расказала пра новыя паступленні кніг беларускіх аўтараў.