20 лютага для выхавальнікаў старэйшай групы ”Рамонак“ дзіцячага сада № 1 ”Крынічка“ супрацоўнікі раёнай бібліятэкі да Міжнароднага дня роднай мовы правялі літаратурную гульню-віктарыну ”Не проста ў словы мы гуляем, на роднай мове размаўляем!“.

Дзеці даведаліся, што 21 лютага адзначаецца Міжнародны дзень роднай мовы. У свеце існуюць шмат цудоўных моў. Але ў кожнага чалавека ёсць толькі адна родная мова, у нас яна беларуская.

Бібліятэкары сумесна з дзецьмі ўспомнілі на беларускай мове, з чаго складаецца нацыянальны беларускі касцюм, якую вопратку мы апранаем калі збіраемся ў сад ці на работу, якія жывёлы жывуць ў лесе і якіх жывёл мы называем хатнімі. Таксама адгадалі загадкі пра розныя прадметы, якімі мы карыстаемся ў паўсядзённым жыцці.

На прыканцы мерапрыемства дзеці праслухалі беларускую народную казку ”Як кот звяроў напалохаў“ і некаторыя вершы беларускіх дзіцячых пісьменікаў.