21 лютага да Міжнароднага дня роднай мовы ў бібліятэцы-клубе Забор’е прайшло падарожжа па творчасці беларускіх дзіцячых пісьменнікаў ”Пявучая мова мая“.

Дзяцей пазнаёмілі з гісторыяй узнікнення нашай роднай беларускай мовы. Яны атрымалі магчымасць паказаць свае веды па беларускай мове і беларускай літаратуры, паўдзельнічаўшы ў тэматычнай гульні.

У вясёлай і цёплай сяброўскай атмасферы дзеці дазналіся пра вялікую разнастайнасць сучаснай літаратуры на роднай мове. На мерапрыемстве гучалі творы і ўрыўкі з іх вядомых аўтараў: Якуба Коласа, Васіля Віткі, Кандрата Крапівы, Ніны Галіноўскай і іншых. Прачытаўшы іх, дзеці шчыра дзяліліся сваімі меркаваннямі пра пачутае.