21 лютага да Міжнароднага дня роднай мовы для вучняў 5 класа ДУА ”Краснапольская дзіцячы сад-сярэдняя школа Расонскага раёна ім. С.І. Жукава“ у Краснапольскай сельскай біблітэцы адбыўся ўрок роднай мовы ”Гучы, роднае слова!“.

Усем вядома, што родная мова – гэта душа народа. У гэты святочны дзень удзельнікі мерапрыемства паказалі, як яны ведаюць сваю душу – беларускую мову. Трэба было прайсці розныя выпрабаванні: віктарыну на тлумачэнне фразеалагізмаў ”Ці ведаеце вы?“, закончыць розныя беларускія прыказкі і прымаўкі і скласці іх разрэзаныя часткі, суаднесці выказванні з вядомым аўтарам, а таксама спець разам песню пра Беларусь. Акрамя таго дзеці пагулялі ў літаратурную гульню ”Хто больш ўспомніць кніг?“ і прачыталі загадзя выбраныя вершы.

За выкананне заданняў усе атрымалі невялікія прызы. Скончылася мерапрыемства агульным фота каля тэматычнай выставы.