Загадчык  бібліятэкі-клуба  Забор’е  ДУК ”Цэнтралізаваная бібліятэчная сістэма Рассонскага раёна“  Кролл Яўгенія Аляксандраўна заняла 2-е месца абласнога этапу XXXІІ  рэспубліканскага конкурсу ”Бібліятэка – асяродак нацыянальнай культуры“ ў намінацыі ”За значны ўклад у выхаванчую работу з падрастаючым пакаленнем“ і была ўзнагароджана Дыпломам Упраўленне культуры Віцебскага аблвыканкама.

Республиканский конкурс ”Бібліятэка – асяродак нацыянальнай культуры“  праводзіцца штогод сярод публічных бібліятэк рэспублікі з мэтай павышэння іх ролі ў фармаванні нацыянальнай самасвядомасці насельніцтва, папулярызацыі нацыянальнай культуры, гісторыі, літаратуры, мовы, народных промыслаў, а таксама падтрымкі і развіцця чытання.

На конкурс яна прадставіла экалагічны праект для дзяцей і падлеткаў ”Зелёное платье родной земли“, які праводзіўся з мэтай абудзіць пазнавальную цікавасць удзельнікаў да расліннага свету Забор’я і наваколля.

Праект выклікаў вялікую цікавасць не толькі ў жыхароў Забор’я, але і ў гасцей вёскі. Выніковым прадуктам праекта стаў альбом-гербарый раслін Забор’я і наваколля, выкананы ў тэхніцы прыроднай фларыстыкі.