10 верасня ў чытальнай зале раённай бібліятэкі сабраліся прыхільнікі творчасці Мікалая Матукоўскага. Мерапрыемства было прысвечана да 95-годдзя з дня нараджэння нашага знакамітага земляка.

Вядучыя распавялі, што Мікалай Ягоравіч Матукоўскі нарадзіўся 12 верасня 1929 года ў в. Калюціна Расонскага раёна Віцебскай вобласці. Прысутныя з цікавасцю слухалі аповед аб жыцці і творчасці знакамітага публіцыста, драматурга, журналіста, кінасцэнарыста і, наогул чалавека з вялікай літары.

Затым супрацоўнікі бібліятэкі і госці чыталі па ролях урыўкі з гераічнай драмы  Мікалая Матукоўскага ”Паядынак“, а астатнія ўдзельнікі гучных чытанняў з цікавасцю слухалі чытальнікаў, якія імкнуліся перадаць усю гаму пачуццяў і спадзяванняў галоўных герояў.