23 верасня ў Сяляўшчынскай сельскай бібліятэцы прайшло пасяджэнне краязнаўчага клуба ”Нашчадкі“ у форме  завочнай экскурсіі ”Кропка на карце“ з мэтай знаёмства з вёскамі Расонскага раёна

Кіраўнік клуба нагадала прысутным  легенды пра такія вёскі, як Сяляўшчына, Барыскава, Кавалі, Сакалішча, Клясціцы з кнігі Р. Прудоўскага ”Легенды і паданні зямлі Расонскай“. Затым з кнігі ”Памяць. Расонскі раён“ зачыталі назвы вёсак, якія ўжо не існуюць.

Далей удзельнікі клуба працавалі з картай Расонскага раёна: знаходзілі знаёмыя вёскі; вёскі, дзе працуюць школы; вёскі, дзе жывуць сябры, або сваякі. Наступнае заданне выконвалі групамі, трэба было самім падпісаць на карце вёскі, якія называў кіраўнік клуба. А закончылі пасяджэнне праслухоўваннем песен ”Вёсачка мая“ і ”Хата бацькоў“.

Мерапрыемства прайшло пазнавальна і вельмі цікава.