20 лютага для групы падоўжанага дня ДУА ”Расонская сярэдняя школа імя П.М. Машэрава“ да Міжнароднага дня роднай мовы была праведзена гульня-падарожжа ”Родная мова – матчына мова, ззяе вясёлкай кожнае слова“.

Дзеці ”здзейснілі падарожжа“ па неабсяжных прасторах роднай мовы, дакрануліся да яе вытокаў і дазналіся пра гісторыю заснавання гэтага дня. Выказалі свае меркаванні накшталт беларускай мовы, што яна самая мілагучная, прыгожая і родная як маці, як дом, як любы край.

Далей удзельнікі мерапрыемства паспрабавалі свае інтэлектуальныя здольнасці ў гульне ”Сваімі словамі“. Дзе з задавальненнем перакладалі словы з рускай мовы на беларускую, тлумачылі фразеалагізмы і адгадвалі загадкі.

Напрыканцы мерапрыемства дзецям было прапанавана бліжэй пазнаёміцца з беларускім часопісам ”Вясёлка“ і прачытаць знаёмыя вершы, казкі ці апавяданні, размешчаныя на  яго старонках.