21 лютага ва ўсім свеце штогод адзначаюць Міжнародны дзень роднай мовы, дзень, які нагадвае аб важнасці захавання нацыянальных моў. Родная мова – гэта не проста паказчык прыналежнасці да той ці іншай дзяржавы, гэта адзін з галоўных складнікаў гістарычнай памяці кожнага народа.

Беларуская мова – самая прыгожая сярод славянскіх моў і самая мілагучная. Моўная культура беларусаў багатая і самабытная. Яна ўвасоблена ў песнях, у прыказках, у творах мастацкай літаратуры.

У рамках святкавання Міжнароднага дня роднай мовы ў бібліятэках ДУК ”ЦБС Расонскага раёна“ прайшлі розныя мерапрыемствы:

З роднай моваю на ”ты“

19 лютага ў філіяле ”Дварышчанскай сельскай бібліятэцы“ да Міжнароднага дня роднай мовы прайшоў турнір знаўцаў ”З роднай моваю на ”ты“.

Мовы роднай чароўны гук

20 лютага ў філіяле ”Бібліятэка-клуб Кавалі“ да Міжнароднага дня роднай мовы для жыхароў вёскі прайшла гадзіна роднай мовы ”Мовы роднай чароўны гук “.

Беларуская мова – мелодыя сэрдца

20 лютага ў філіяле ”Краснапольская сельская бібліятэка“ для навучэнцаў 4 класа ДУА ”Краснапольская сярэдняя школа імя С.І. Жукава Расонскага раёна“ да Міжнароднага дня роднай мовы прайшла гадзіна чытання ”Беларуская мова – мелодыя сэрдца“.

Не пакідайце ж мовы роднай

21 лютага ў філіяле ”Бібліятэка-клуб Забор’е“ да Міжнароднага дня роднай мовы прайшла літаратурная гадзіна ”Не пакідайце ж мовы роднай “.

Па беларуску чуць і бачыць

21 лютага ў філіяле ”Клясціцкая сельская бібліятэка“ да Міжнароднага дня роднай мовы прайшла гадзіна роднай мовы ”Па беларуску чуць і бачыць“. На якой школьнікі пазнаёміліся з мастацкай літаратурай беларускіх аўтараў з фонду бібліятэкі, а таксама ўспомнілі свае любімыя беларускія словы і напісалі іх на пялёстках папяровых валошак.