Амаль адзінаццаць гадоў прайшло як пайшоў з жыцця народны паэт БССР Рыгор Барадулін. Але і сёння яго любяць і памятаюць не толькі ў Беларусі.

У рамках свята 90-годдзя з дня нараджэння народнага паэта Беларусі Рыгора Барадуліна 25 лютага ў раённай бібліятэцы адбылося літаратурнае знаёмства з яго творчасцю. Для ўдзельнікаў народнага аматарскага калектыву літаратурнай творчасці ”Натхненне“ супрацоўнікі бібліятэкі падрыхтавалі цікавыя паведамленні пра жыццё і творчасць Рыгора Іванавіча.

 Яны паведамілі прысутным, што Рыгор Барадулін з’яўляўся лаўрэатам прэміі Ленінскага камсамола Беларусі (1976) і Дзяржаўнай прэміі імя Янкі Купалы (1976),  быў узнагароджаны ордэнамі Дружбы народаў, ордэнам  Знак Пашаны, медалём Францыска Скарыны, латвійскім ордэнам трох зорак. У 1992 годзе яму было прысвоена званне народнага паэта Беларусі. У 2006 годзе вылучаўся на Нобелеўскую прэмію па літаратуры за зборнік вершаў ”Ксты“.

У выкананні ўдзельнікаў прагучалі вершы : ”Бацьку“, ”Трэба дома бываць часцей“, ”Нам застаецца пекла матуль“, ”Хлеб“ і інш. У чытальнай зале да мерапрыемства была аформлена кніжная выстава ”Чараўнік паэтычнай стыхіі“.