20 сакавіка ў Сяляўшчынскай сельскай бібліятэцы да Сусветнага дня паэзіі была праведзена гадзіна-знаёмства з творчасцю паэтаў-землякоў ”Літаратурныя сцяжынкі роднага краю“ для навучэнцаў 5 і 7 класаў ДУА ”Сяляўшчынская базавая школа Расонскага раёна“.

Навучэнцы даведаліся пра гісторыю ўзнікнення свята, пра тое, што галоўнай мэтай Сусветнага дня паэзіі было падкрэсліць тое найвялікшае значэнне, якое мае літаратура ў культурным жыцці сучаснага грамадства, аб'яднаць паэтаў усяго свету і даць ім права і магчымасць заявіць пра сябе.

Бібліятэкар пазнаёміла з фактамі жыцця і творчасцю самадзейных паэтаў Аляксандра Матошкі, Зоі Вярхоўскай, Надзеі Кожар. Навучэнцы з задавальненнем прадэкламавалі вершы мясцовых паэтаў аб сваёй малой радзіме: А. Матошкі ”Бацькаўшчына“, ”Малая Радзіма“,”Расоншчыне“. З. Вярхоўскай ”Деревне Селявщина посвящается“, ”Крыніца“ і Н.Кожар ”Запрашэнне на Расоншчыну“.

Удзельнікам цікава было пабыць у ролі паэтаў, яны з ахвотай узялі ручкі і лісток паперы і пачаць дзеяць на тэму ”Мая малая радзіма“.

Увазе прысутных была прадстаўлена тэматычная выстава ”Літаратурныя сцяжынкі роднага краю“.