Беларуская мова мае багатыя гістарычныя карані і ўзбагачаецца новымі словамі і выразамі. Наша мова служыць крыніцай нацыянальнай ідэнтычнасці і культурных традыцый. Аднак нельга забываць, што захаванне роднай мовы патрабуе пастаянных намаганняў і ўвагі. Усе мы павінны прыкладаць высілкі да таго, каб беларуская мова заставалася жывой і развівалася далей.

17 лютага ў другі дзень святкавання Тыдня роднай мовы ў раённай бібліятэцы, для прыхільнікаў беларускага слова, прайшла гадзіна літаратурных адкрыццяў ”Чарую душу родным словам“. На мерапрыемстве ўдзельнікі ўспаміналі класікаў беларускай літаратуры  і знаёміліся з творчасцю сучасных пісьменнікаў. Гучалі творы маладых аўтараў з часопіса ”Першацвет“ А. Кулакова, А. Мялік, К. Захарэвіч. Таксама знаёміліся з творамі нашых сучаснікаў: М. Пазнякова, В. Праўдзіна, У. Гніламёдава, Л. Кебіч, В. Русілкі і інш. Удзельнікі народнага аматарскага аб’яднання літаратурнай творчасці ”Натхненне“ чыталі вершы і эсэ ўласнага складання.

Час на мерапрыемстве праляцеў хутка і з карысцю. А упадабаныя творы, госці мелі магчымасць ўзяць на дом і пазнаёміцца з імі падрабязней.