20  лютага з мэтай папулярызацыі беларускай мовы ў філіяле ”Сяляўшчынская сельская бібліятэка“ для дзяцей  прайшла гульня-віктарына ”Багата, родная ты мова…“

 Дзеці пазнаёміліся з гісторыяй свята, чаму, менавіта 21 лютага ўвесь свет адзначае Міжнародны дзень роднай мовы, пагаварылі аб значнасці роднай мовы ў жыцці кожнага чалавека. Затым дзеці адгадвалі загадкі, складалі прыказкі ”Прадоўжы прыказку“, удзельнічалі ў віктарыне ” Знаўцы беларускага слова“. Асаблівую ўвагу бібліятэкар звярнула на кніжкі: ”Дамашнія рэчы“, у якой можна знайсці не толькі пераклад слова на беларускую мову, а таксама даведацца нямала цікавых звестак пра рэчы, якімі мы карысаемся дома; кніжкі-загадкі Хведара Гурыновіча ”Азбука жывёл“ і ”Назавіце расліну“; Зінаіды Багамолавай ”У свеце загадак“.

Напрыканцы мерапрыемства бібліятэкар параіла юным чытачам творы на беларускай мове для дзяцей.