Да Міжнароднага дня роднай мовы 20 лютага ў Клясціцкай сельскай бібліятэцы для вучняў пачатковых класаў ДУА ”Клястіцкая сярэдняя школа імя У.А. Хамчаноўскага Расонскага раёна“ прайшлі літаратурныя чытанні  ”На мове роднай размаўляю“.

Вядучыя пазнаёмілі прысутных з гісторыяй зараджэння беларускай мовы, якая нам засталася ад продкаў як спадчына, як запавет.

На працягу мерапрыемства удзельнікі чыталі вершы, апавяданні, казкі на роднай мове, спрабавалі сябе ў ролі перакладчыкаў. Вельмі прыемна было слухаць добрыя, ласкавыя, шчырыя і захапляльныя словы на нашай роднай мове.

Напрыканцы сустрэчы школьнікі пазнаёміліся з мастацкай літаратурай беларускіх аўтараў з фонду бібліятэкі.

Галоўны вывад, які зрабілі навучэнцы падчас мерапрыемства: лёс нашай мовы залежыць ад нас. Яе трэба любіць, шанаваць, паважаць і часцей размаўляць на матчынай мове.