5 сакавіка 2026 года спаўняецца 130 гадоў з дня нараджэння беларускага драматурга, празаіка, сатырыка, паэта, перакладчыка, акадэміка АН БССР, народнага пісьменніка Беларусі Кандрата Крапівы.

Кандрат Крапіва (сапраўднае імя – Кандрат Кандратавіч Атраховіч) – адзін з найвыдатнейшых беларускіх пісьменнікаў ХХ стагоддзя, які значна ўзбагаціў нацыянальную літаратуру разнастайнымі па жанры і тэматыцы творамі, напісаў вялікую колькасць баек, фельетонаў, вершаў і п’ес. Творы Крапівы вызначаюцца яркімі вострымі канфліктамі і маляўнічымі характарамі герояў.

Напярэдадні гэтай даты, 5 сакавіка, бібліятэкар філіяла ”Краснапольская сельская бібліятэка“ для вучняў 4-га класа ДУА ”Краснапольская сярэдняя школа імя С.І. Жукава Расонскага раёна“ правяла літаратурную гадзіну-знаёмства ”Кандрат Крапіва – майстар слова і сатыры“.

Дзеці з цікавасцю пазнаёміліся з жыццём і творчасцю пісьменніка і байкапісца, а потым чыталі яго байкі: ”Дыпламаваны баран“, ”Чорт“, ”Ганарысты парсюк“, ”Жаба ў каляіне“, адгадвалі аўтарскія загадкі і пазнаёмілісь з кнігамі прапанаванымі на кніжнай выставе ”Багатая спадчына Кандрата Крапівы“.