У Беларусі запушчаны праект ”Кожная пятніца – роднае, сваё“, накіраваны на павышэнне культуры спажывання, прасоўванне айчынных тавараў, папулярызацыю іх якасці, разнастайнасці беларускіх страў, прыгажосці роднай мовы.

Расонская раённая бібліятэка так сама далучылася да акцыі ”Кожная пятніца – роднае, сваё“. 27 сакавіка, ў рамках гэтай акцыі, ў бібліятэцы прайшло краязнаўчае падарожжа ”Вандроўка па роднай Беларусі“.

 Прысутныя здзейснілі віртуальнае падарожжа па брэндах беларускіх прадпрыемстваў, адказвалі на пытанні віктарын ”Што ты ведаеш пра Беларусь?“ і ”Мая Расоншчына“. Асабліва цікавым аказалася заданне, у якім трэба было сабраць з кавалачкаў пазлаў карту Беларусі,

У завяршэнні сустрэчы бібліятэкары прапанавалі ўдзельнікам мерапрыемства кнігі папулярных беларускіх аўтараў для хатняга чытання.