У гонар Міжнароднага дня помнікаў і гістарычных мясцін, 23 красавіка, бібліятэкар філіяла ”Краснапольская сельская бібліятэка“ запрасіла вучняў першага класа ДУА ”Краснапольская сярэдняя школа імя С.І. Жукава Расонскага раёна“  ў гістарычна-краязнаўчае падарожжа ”Сусветная спадчына Беларусі“.

У ходзе мерапрыемства бібліятэкар пазнаёміла вучняў з найважнейшымі помнікамі Беларусі, уключанымі ў спіс ЮНЕСКА.

Падчас творчага задання, дзеці складалі выявы замкаў і цэркваў, дапаўняючы іх малюнкамі і назвамі, суадносілі выявы гербаў і абласцей.

На працягу мерапрыемства, гучалі вершы і песні пра Беларусь, пра яе прыгажосць і багатую гісторыю. Атмасфера была насычаная радасцю і жаданнем даведацца больш.