14 мая у філіяле ”Краснопольская сельская библиотека“ прайшоў гістарычны экскурс ”Гісторыя сімволікі Рэспублікі Беларусь“. Удзельнікамі мерапрыемства сталі выхаванцы ясляў-саду ДУА”Краснапольская сярэдняя школа імя С.І. Жукава Расонскага раёна“.

Бібліятэкар пазнаёміла дзяцей з ключавымі элементамі герба, растлумачыла значэнне зялёнага контуру краіны, прамянёў сонца, каласоў і кветак канюшыны ды лёну. Далей дашкольнікі даведаліся пра сімвалізм трох колераў беларускага сцяга. Падчас мерапрыемства дзеці праслухалі гімн Рэспублікі Беларусь, дэманструючы павагу да дзяржаўнага сімвала.

Напрыканцы мерапрыемства дзеці пагарталі энцыклапедыі пра Беларусь.

Сустрэча прайшла ў цёплай атмасферы.  Дашкольнікі праявілі жывую цікавасць да гісторыі сваёй краіны і паказалі выдатныя веды.