17 ліпеня выхаванцы Дома сямейнага тыпу сталі удзельнікамі квэст-гульні ”Памятныя мясціны ў гісторыі майго аграгарадка“, праведзенай бібліятэкарам філіяла ”Клясціцкая сельская бібліятэка“.

Гульня была пабудавана на праходжанні цікавага маршрута і пошуку адказаў на заданні.

У ходзе квэста ўдзельнікі праходзілі станцыі ”Знаўцы роднага краю“, ”Маўклівыя сведкі гісторыі вёскі“, ”Страчаныя помнікі і гістарычныя мясціны“,  дзе адказвалі на пытанні, выконвалі пазнавальныя заданні, звязаныя з гістарычным мінулым, падзеямі, помнікамі і памятнымі мясцінамі аграгарадка Клясціцы.

Паспяхова прайшоўшы выпрабаванні і выканаўшы ўсе заданні, каманда сабрала з асобных слоў дэвіз-зацвярджэнне ”Захоўваем мінулае, цэнім сучаснасць, будуем будучыню“.

Напрыканцы сустрэчы прысутныя зрабілі вывад: мала проста любіць свой родны край, трэба ведаць і захоўваць яго гісторыю.