28 жніўня бібліятэкар філіяла ”Бібліятэка-клуб Забор’е“ запрасіла сваіх пастаянных чытачоў у займальнае літаратурна-гастранамічнае падарожжа ”Дзікарослыя расліны ў беларускай кухні“.

Удзельнікі мерапрыемства з галавой пагрузіліся ў багатую гісторыю нацыянальнай кулінарыі, даведаліся пра паходжанне знакамітай верашчакі, сытнай заціркі і разнастайных страў з бульбы.

Асаблівае захапленне ў прысутных выклікаў досвед выкарыстання дзікаросаў у сучаснай высокай кухні на прыкладзе мінскага рэстарана «Кухмістр». Крэм-суп з шчаўя і шпінату, варэнікі з крапівой, марозіва з даданнем бярозавага сіропу – гэтыя шэдэўры даказалі, што дары прыроды і кулінарныя традыцыі продкаў застаюцца жывой і натхняльнай спадчынай.

Тэматычная выстава літаратуры дапамагла ўдзельнікам яшчэ глыбей адчуць самабытную культуру Беларусі праз прызму яе непаўторных смакаў.