15 кастрычніка ў Сяляўшчынскай бібліятэцы прайшло святочнае мерапрыемства прысвечанае Дню маці, з удзелам шматдзетных сем’яў “Мама! Матуля! – чароўнае слова, песняй ласкавай гучыць на ўсіх мовах!”.
Бібліятэкар распавяла прысутным гісторыю гэтага свята, і пра тое, што слова “маці” амаль аднолькава гучыць на мовах многіх народаў. Дзеці падрыхтавалі і прысвяцілі вершы і песні сваім мамам, і разам з імі разгадвалі загадкі, галаваломкі, пагулялі ў гульні на кемлівасць. Напрыканцы мерапрыемства кожнай маці былі падораныя кветкі.
Да гэтага прыгожага свята ў бібліятэцы была аформлена кніжна-ілюстраваная выстава, дзе для ўвагі чытачоў прапанаваны выдатныя вершы і мастацкія творы пра маці, як класікаў, так і сучасных аўтараў, а таксама рэкамендацыйная літаратура для маладых маці па выхаванні дзяцей.
