28 студзеня бібліятэкар Краснапольскай сельскай бібліятэкі для старшакласнікаў ДУА “Краснапольская дзіцячы сад – сярэдняя школа Расонскага раёна”, да 100-годдзя з дня нараджэння пісьменніка Івана Шамякіна правяла літаратурную гадзіну “Талент, непадуладны часу”.

Бібліятэкар распавяла вучням пра жыццё і творчасць Івана Пятровіча Шамякіна. Творы пісьменніка складаюць шматтомны летапіс мінулай эпохі і раскрываюць лёс беларускага народа, шмат з іх звязаны з падзеямі Вялікай Айчыннай вайны. Дзеці з цікавасцю знаёміліся з творамі пісьменніка, дзяліліся ўражаннямі ад прачытаных кніг, праглядзелі адрывак з фільму “Іван Шамякін – жыццё і творчасць”.

Да юбілею пісьменніка ў чытальнай зале бібліятэкі была аформлена выстава-панарама “Іван Шамякін – талент, непадуладны часу”.