19 лютага ў Сяляўшчынскай сельскай бібліятэцы для навучэнцаў 8 класа ДУА “Сяляўшчынская дзіцячы сад – базавая школа Расонскага раёна”, да Міжнароднага дня роднай мовы, была праведзена літаратурная гадзіна “Багата, родная ты мова!”.
Бібліятэкар пазнаеміла дзецей з гісторыяй свята, з гістарычным мінулым нашай краіны, распавяла пра тое, што кожны чалавек павінен шанаваць мову, традыцыі і культуру свайго народа. Беларускі пісьменнік М.Танк казаў: “Нашу беларускую мову не раз спрабавалі знішчыць, але ж данеслі яе да нас продкі”. Падчас мерапрыемства вучні слухалі вершы знакамітых беларускіх паэтаў, песні на беларускай мове. Спадабалася дзецям займальная гульня на веданне беларускай мовы “Калі ласка”, дзе да прапанаваных рускіх слоў падбіраліся беларускія адпаведнікі.
Да Міжнароднага дня роднай мовы ў бібліятэцы была аформлена кніжная выстава “Багата, родная ты мова!”. На выставе ўвазе чытачоў былі прапанаваны кнігі беларускіх пісьменнікаў і літаратура, якая знаеміць з беларускай народнай творчасцю і культурай.
