14 сакавіка ў Сяляўшчынскай сельскай бібліятэцы да 90-годдзя з дня нараджэння Паўла Місько прайшло літаратурнае падарожжа “Неверагодныя прыгоды з Паўлам Місько”.
Бібліятэкар пазнаеміла прысутных з біяграфіяй і творчасцю пісьменніка, якая прадстаўлена рознымі літаратурнымі жанрамі: казкамі, апавяданнямі, аповесцямі, вершамі. Дзеці чыталі творы, стаўшыя сапраўднай класікай для дзяцей – “Прыгоды Бульбобаў” і “Эрпіды на планеце Зямля”. Адказвалі на пытанні літаратурнай віктарыны па творчасці Паўла Місько, малявалі ўпадабаных літаратурных герояў.
