19 сакавіка ў Дварышчанскай сельскай бібліятэцы да Сусветнага дня зямлі была праведзена краязнаўчая гадзіна “Рознакаляровая зямля Беларусі”. Бібліятэкар распавяла прысутным пра тое, што 20 сакавіка па ініцыятыве ААН ва ўсім свеце святкуецца Дзень Зямлі. Мэта гэтага свята – звярнуць увагу ўрадаў і звычайных людзей розных прафесій і узростаў да навакольнага асяроддзя нашай планеты.
На мерапрыемстве дзеці пазнаёміліся з вядомымі культурнымі і прыроднымі аб'ектамі Беларусі, з цікавымі і унікальнымі месцамі і цудамі нашай рэспублікі, сярод якіх Белавежская пушча, азёры Нарач і Свіслач, Сафійскі сабор у Полацку, замкі ў Навагрудку, Нясвіжы, Міры. Дзеці прынялі ўдзел у тэматычнай віктарыне “Ці ведаеш ты сваю краіну?”, разгадвалі краязнаўчую крыжаванку.
Да мерапрыемства была аформлена кніжная выстава “Рознакаляровая зямля Беларусі”. На выставе увазе чытачоў прадстаўлены выданні, якія распавядаюць аб планеце Зямля, якая не падобная на іншыя планеты, а таксама кнігі пра праблемы экалогіі, аб абароне Зямлі ад забруджвання і неабходнасці падтрымкі і захавання нашай планеты для нашчадкаў.
